नेकपा एमालेको ११औँ महाधिवेशनमा महिला खुला तर्फ केन्द्रीय सदस्य पदकी उम्मेदवार सिता सुवेदीको जित सुनिश्चित जस्तै देखिएको छ। युवा संघ नेपालको २ कार्यकाल पुर्व उपाध्यक्षसमेत रहेकी सुवेदी संगठनभित्र लोकप्रिय र प्रभावशाली नेतृका रूपमा चिनिन्छिन्।

पार्टीको विभिन्न जिम्मेवारी सम्हाल्दै संगठन विस्तार, युवा परिचालन र नेतृत्व विकासमा सक्रिय भूमिका खेलेकी सुवेदीले कार्यकर्ता तहदेखि नेतृत्व तहसम्म राम्रो पकड बनाएकी छन्। यही कारण केपि ओलि प्यानल मात्र होईन एमालेभित्रका विभिन्न धारका नेताहरू र महाधिवेशन प्रतिनिधिहरूबीच उनको समर्थन उल्लेखनीय रहेको बताइन्छ।

एमालेको ११औँ महाधिवेशनमा सुवेदीलाई अनुभवी, समर्पित र भरोसायोग्य नेतृका रूपमा लिइएको छ। महिला नेतृत्वलाई सशक्त बनाउने, पार्टी संगठनलाई थप मजबुत बनाउने र युवाको आवाज केन्द्रिय तहमा प्रभावकारी रूपमा उठाउने क्षमता उनमा रहेको नेताहरूको बुझाइ छ।

यिनै आधारमा महिला खुला तर्फ केन्द्रीय सदस्य पदमा सिता सुवेदीको जितलाई लगभग सुनिश्चित मानिएको छ।